🔴 𝐏𝐎𝐍𝐓𝐄𝐂𝐄𝐒𝐔𝐑𝐄𝐒 𝐒𝐎𝐋𝐈𝐂𝐈𝐓𝐀 𝐀𝐎 𝐒𝐔𝐁𝐃𝐄𝐋𝐄𝐆𝐀𝐃𝐎 𝐀 𝐌𝐄𝐋𝐋𝐎𝐑𝐀 𝐃𝐀 𝐍-𝟓𝟓𝟎 𝐄 𝐔𝐍 𝐈𝐍𝐅𝐎𝐑𝐌𝐄 𝐓É𝐂𝐍𝐈𝐂𝐎 𝐒𝐎𝐁𝐑𝐄 𝐎 𝐄𝐒𝐓𝐀𝐃𝐎 𝐃𝐀 𝐏𝐎𝐍𝐓𝐄 𝐈𝐍𝐓𝐄𝐑𝐏𝐑𝐎𝐕𝐈𝐍𝐂𝐈𝐀𝐋

🔴 O Concello de Pontecesures recibiu a visita oficial do subdelegado do Goberno para trasladarlle un listado de actuacións urxentes no municipio. A alcaldesa Maite Tocino Barreiro, acompañada polo tenente da alcaldesa Roque Araujo e o Concelleiro de Obras e Urbanismo Jorge Janeiro, plantexaron a Abel Losada diversas melloras na N-550 e as deficiencias que presenta a ponte interprovincial que une o núcleo da vila con Padrón.

🔴 Durante o encontro, Tocino destacou os graves problemas para a seguranza viaria na N-550 debido á grande intensidade de vehículos da estrada estatal. Afirmou que é crucial aumentar as dimensións das beirarrúas para dar espazo suficiente aos peóns e renovar a sinalización para garantir a seguridade dos condutores. Tamén insistiu na necesidade de analizar o estado da ponte interprovincial, especialmente a degradación dos 'taxamares', e urxiu a realización dun informe técnico alí.

🔴 Ademais, o equipo de goberno solicitou a sinalización dun paso de peóns en Redondo e a implantación dunha parada oficial de transporte escolar para crear unha contorna segura para os estudantes. Por último, Tocino incluíu na lista de necesidades a mellora das infraestructuras do Estado no Concello, especialmente a estación do tren e a instalación de semáforos.