🔴 𝐑𝐄𝐓Í𝐑𝐀𝐍𝐒𝐄 𝐎𝐒 𝐏𝐑𝐄𝐆𝐎𝐒 𝐃𝐎 𝐒𝐀𝐅 𝐃𝐎 𝐎𝐑𝐃𝐄 𝐃𝐎 𝐃Í𝐀 𝐃𝐎 𝐏𝐋𝐄𝐍𝐎 𝐃𝐄 𝐕𝐈𝐋𝐀𝐆𝐀𝐑𝐂Í𝐀 𝐏𝐀𝐑𝐀 𝐈𝐍𝐂𝐎𝐑𝐏𝐎𝐑𝐀𝐑 𝐀𝐒 𝐀𝐂𝐇𝐄𝐆𝐀𝐒 𝐃𝐎 𝐁𝐍𝐆

🔴 O goberno local de Vilagarcía decidiu deixar sobre a mesa os pregos para a licitación do Servizo de Axuda no Fogar co obxectivo de incorporar as achegas realizadas na última semana polo BNG, de forma que o asunto non será debatido no Pleno a celebrar esta tarde, tal e como estaba previsto inicialmente. O documento someterase á decisión da Corporación nunha próxima sesión, unha vez recollidas as melloras. 

🔴 A intención do goberno local é aprobar os pregos o antes posible para poder completar os trámites seguintes co obxectivo de levar a cabo a licitación e de que o novo contrato entre en vigor a principios de 2025.