🔴 𝐎 𝐂𝐎𝐍𝐂𝐄𝐋𝐋𝐎 𝐃𝐄 𝐕𝐈𝐋𝐀𝐆𝐀𝐑𝐂Í𝐀 𝐕𝐎𝐋𝐕𝐄 𝐀 𝐀𝐔𝐌𝐄𝐍𝐓𝐀𝐑 𝐀 𝐏𝐀𝐑𝐓𝐈𝐃𝐀 𝐏𝐀𝐑𝐀 𝐀𝐗𝐔𝐃𝐀𝐒 Á 𝐄𝐒𝐂𝐎𝐋𝐀𝐑𝐈𝐙𝐀𝐂𝐈Ó𝐍 𝐈𝐍𝐅𝐀𝐍𝐓𝐈𝐋, 𝐂𝐇𝐄𝐆𝐀𝐍𝐃𝐎 𝐀𝐎𝐒 𝟐𝟏.𝟎𝟎𝟎 𝐄𝐔𝐑𝐎𝐒

🔴 A Xunta de Goberno Local do Concello de Vilagarcía aprobou hoxe as bases que rexerán unha nova edición das Axudas Municipais á Escolarización Infantil para o curso 2024/25. Por segundo ano consecutivo, incrementouse a partida destinada a esta medida social, pasando dos 15.000 euros de 2022 aos 19.180 de 2023, e agora ata os 21.000 euros. Con esta decisión, o executivo local busca que o maior número de familias poidan acceder á subvención de 70 euros por crianza que ofrece o Concello, co obxectivo de aliviar os gastos de inicio de curso e fomentar a escolarización na etapa inicial da educación (de 0 a 6 anos).

🔴 No curso pasado beneficiáronse destas bolsas un total de 283 nenos e nenas matriculados en centros de ensino sostidos con fondos públicos e nas Escolas Infantís autorizadas de Vilagarcía. O prazo para solicitar as axudas para o vindeiro curso escolar abrirase o 1 de setembro e pecharase o 30 do mesmo mes.

🔴 Os 21.000 euros dispoñibles este ano para a concesión destas subvencións proceden dunha partida de 8.500 euros da Concellería de Benestar Social e outra de 12.500 euros da de Educación.

🔴 Aínda que a escolarización non é obrigatoria na etapa Infantil, o goberno socialista considera que é imprescindible para un mellor desenvolvemento educativo, social e persoal do neno, ademais de ser unha medida necesaria para a conciliación laboral de moitas familias. Por iso, fomentan a matriculación nesta etapa ofrecendo estas axudas, que se conceden tendo en conta o nivel de ingresos da unidade familiar, computados segundo a declaración da renda. Co obxectivo de adecuar os requisitos ao custo da vida, tamén se actualizou en base á variación do IPC o nivel máximo de ingresos para acceder ás bolsas.