🔴 O BNG LAMENTA O DETERIORO DAS OBRAS DE ARTISTAS LOCAIS NA RÚA BALDOSA E ESIXE A SÚA RECUPERACIÓN

O Bloque Nacionalista Galego (BNG) expresa o seu pesar polo estado deteriorado no que se atopan as obras de artistas locais presentes na Rúa Baldosa de Vilagarcía. Estas obras, realizadas hai case trinta anos por recoñecidos artistas como César Lombera, Chaves, Uxío, Chazo ou Xan Paz, sufriron as consecuencias das recentes remodelacións na zona, algunhas incluso desapareceron.

O BNG de Vilagarcía insiste na importancia de cumprir coas promesas realizadas no seu momento para evitar a desaparición destas obras, restaurando as que aínda quedan e pondoas en valor. Ademais, sinalan a necesidade de destinar os recursos económicos e regulativos necesarios para que a comunidade poida desfrutar destas obras e buscan, unha vez máis, a colaboración dos autores para atopar a mellor solución posible.