🔴 O concelleiro de Cultura de economía e facenda, Manuel Suárez, anunciou a proposta de ampliar a achega municipal destinada á celebración das Festas do Verán 2024. Esta decisión responde ás dificultades de financiamento que a Comisión de Festas do Carmen vén afrontando, debido á redución das achegas da Confraría de Pescadores e ao incremento dos custos das actividades programadas.
🔴 As Festas do Verán da Arousa son un evento popular moi apreciado pola veciñanza e polos visitantes, destacando polo ambiente festeiro e a dinamización hostaleira e comercial que xeran. "Entendemos que o Concello debe facer un esforzo este ano para axudar á Comisión de Festas e contribuír ao financiamento das mesmas", afirmou Suárez.
🔴 Para abordar esta situación, iniciouse un expediente de modificación de créditos do orzamento municipal, que será levado a pleno o próximo 5 de xullo. O concelleiro confía en que a proposta contará coa aprobación unánime de toda a corporación, xa que o sentir é compartido para manter e mellorar as festas locais.
🔴 A modificación proposta consiste nunha ampliación do crédito inicial de 21.000 euros a 25.000 euros, co obxectivo de garantir a realización das festividades.
