🔴 O PIÑEIRIÑO PREPARA AS BRASAS PARA UN ESPECTACULAR SAN XOÁN 2024

A BANDA DE MÚSICA DARÁ ESTE SÁBADO O PISTOLETADO DE SAÍDA A UNHA CELEBRACIÓN SEN PRECEDENTES NO BARRIO DE MODA EN VILAGARCÍA

🔴 A comisión de festas de San Xoán As Pistas e a Asociación Veciñal Breogán convidan a toda a veciñanza a achegarse á festa de San Xoán organizada no mellor barrio do mundo o vindeiro domingo, 23 de xuño, a partir das 22:00h. O acceso ao recinto do evento e aos concertos será aberto e gratuíto para todo o mundo.

🔴 Dende as 22:00h, 300 kg de sardiñas gratis e a opción de mercar porcións de churrasco con patacas cubrirán o apetito das veciñas e veciños que se acheguen con fame e ganas de festa.

🔴 A partir das 23:00h dará comezo o festival cun cartel de escándalo. A orquesta encargada de marcarlle o compás ao lume da noite será a Marbella, que estará acompañada dos DJs Dumore, Mike Martin, MRJ e Rubén Rey, que farán vibrar o barrio de moda de Vilagarcía.

A asociación veciñal e a comisión de festas animan a todo o mundo a achegarse á festa, xa que non haberá fogueiras na praia este ano. “Non hai excusa para non achegarse ao mellor barrio do mundo este domingo, ademais, no evento haberá varias sorpresas.”

A Banda de Música de Vilagarcía será a encargada de dar o pistoletazo de saída ao bo ambiente no barrio de moda de Vilagarcía este sábado, día 22, a partir das 20:00h na Rúa Camilo José Cela. A asociación agradece á banda de música e ao concello a súa colaboración e predisposición a facer desta unha fin de semana inesquecible.

As veciñas e veciños que queiran achegar madeira para alimentar a gran fogueira de San Xoán poderán facelo ao longo desta semana.