🔴 𝐅𝐈𝐍 𝐃𝐄 𝐌𝐄𝐒 𝐀 𝐓𝐎𝐃𝐎 𝐎 𝐀𝐋𝐓𝐎 𝐍𝐎 𝐁𝐀𝐑𝐑𝐈𝐎 𝐃𝐎 𝐏𝐈Ñ𝐄𝐈𝐑𝐈Ñ𝐎

🔴 MÉRCORES CINE, XOVES CONCERTO E VENRES BAILE NA RÚA DO MELLOR BARRIO DO MUNDO

🔴 A Asociación Veciñal Breogán convida a todo o mundo a gozar das actividades culturais organizadas na rúa Camilo José Cela ao caer a tarde do mércores 24, xoves 25 e venres 26 de xullo. Tres boas e económicas razóns para achegarse ao barrio do Piñeiriño esta semana:

🔴 MÉRCORES DÍA 24 A PARTIR DAS 22:00H SESIÓN DE CINE NA RÚA CAMILO JOSÉ CELA.

Unha comedia sobre as vacacións de verán é a película elixida para proxectar este mércores, 24 de xullo, no barrio das Pistas no marco do programa Fantasio na Rúa, organizado pola Concellería de Xuventude. Trátase do filme de produción española "¡Vaya vacaciones!" que se proxectará na rúa Camilo José Cela a partir das 22.00 horas. Unha divertida historia para todos os públicos dirixida en 2023 por Víctor García León e protagonizada por Toni Acosta, Ernesto Sevilla, Tito Valverde, Gracia Olayo, Daniela Rubio, Manuel Burque e Ramón Barea.

**SINOPSE**

Manuela e José queren moito aos seus fillos e, sobre todo, idolatran aos seus netos. Pero os primeiros tomaron por costume deixar aos seus cativos ao coidado dos seus avós e estes xa non lembran a última vez que tiveron un rato para eles mesmos. Para colmo, este verán tiveron que cancelar a viaxe dos seus soños porque aos seus fillos lles saíu unha importante viaxe de traballo…, aínda que cedo van a descubrir a verdade: en realidade están de vacacións en Bali.

É a gota que colma o vaso. Acabouse! Manuela e José deixarán de ser os entrañábeis avós e farán que os seus netos pasen o peor verán das súas vidas, farán que chamen aos seus pais e lles supliquen que vaian a recollelos. Pero Carla, Guille e Ali tamén teñen as súas propias ideas sobre como pasar o verán, plantando batalla aos seus avós nunha guerra sen cuartel.

🔴 XOVES DÍA 25 A PARTIR DAS 21:00H CONTINUAMOS COS CONCERTOS DOS XOVES NAS PISTAS.

Ana Angueira será a encargada de marcar o ritmo e cantar as mellores melodías para o mellor barrio do mundo este xoves.