🔴 FAJARDO PIDE UN COMBATE NAVAL DE DRONS

🔴 𝐎 𝐆𝐑𝐔𝐏𝐎 𝐌𝐔𝐍𝐈𝐂𝐈𝐏𝐀𝐋 𝐃𝐄 𝐄𝐔 𝐏𝐑𝐎𝐏Ó𝐍 𝐒𝐔𝐁𝐒𝐓𝐈𝐓𝐔Í𝐑 𝐎 𝐂𝐎𝐌𝐁𝐀𝐓𝐄 𝐍𝐀𝐕𝐀𝐋 𝐃𝐎 𝟐𝟎𝟐𝟓 𝐏𝐎𝐑 𝐔𝐍 𝐄𝐒𝐏𝐄𝐂𝐓Á𝐂𝐔𝐋𝐎 𝐃𝐄 𝐃𝐑𝐎𝐍𝐒

🔴 O grupo municipal de EU anuncia que trasladará ao goberno local as numerosas peticións veciñais para reducir a contaminación sonora provocada polos fogos de artificio e de palenque durante a época estival. Estes ruídos afectan tanto a persoas como a mascotas, xerando preocupación entre os residentes.

Neste contexto, EU suxire explorar a posibilidade de cambiar o formato do tradicional combate naval das festas de San Roque de 2025. A proposta consiste en substituir o espectáculo pirotécnico por unha exhibición visual aérea de drons luminosos acompañados de música. Este novo formato non só situaría a Vilagarcía na vangarda dos eventos innovadores, senón que tamén apostaría por unha opción máis respectuosa co medio ambiente, ecolóxica e inclusiva.

Ademais, EU solicitará ao goberno local que proporcione unha copia do contrato actual para o combate deste ano. Esta medida busca garantir que se contemplen as correspondentes contraprestacións en caso de que o evento teña que ser suspendido, tal como ocorreu o ano pasado.