🔴 FOLE CALIFICA COMO “HISTÓRICA” A SUCIEDADE DO ALBARIÑO, E CRÍTICA O PREGÓN E A SEGURIDADE DA FESTA

A voceira municipal do PP, Sabela Fole, denunciou a "histórica" sucidade que rexistra a vila tres días despois da 72ª Festa do Albariño, cualificando de "incomprensible" a contratación dunha empresa externa á que se lle deu libre o luns posterior á festa.

Fole destacou que o grupo municipal do PP agradece a participación de milleiros de persoas durante as cinco xornadas da festa, pero lamentou a falta de previsión e a mala organización por parte do Concello. Criticou que a semana anterior se cancelasen e contratasen espectáculos á última hora, indicando unha evidente falta de planificación. Tamén sinalou a ausencia de oferta de lecer e concertos para todos os públicos, especialmente para a xente maior.

A voceira popular considera que o desbaraxuste organizativo débese á falta de unidade do cuatripartito, onde cada membro actúa de maneira independente sen coordinación. Segundo Fole, a limpeza urbana, que é competencia do concelleiro independente José Ramón Abal, foi especialmente deficiente, deixando a vila nun estado desolador con lixo por todas partes, cristais nos parques infantís e un cheiro desagradable.

"Levamos moito tempo escoitando a Abal falar da necesaria mellora da limpeza, pero xa estamos inmersos no segundo ano de mandato e nunca chega. Sempre se apela ao ano que vén nun exercicio de cinismo intolerable", criticou Fole. Engadiu que o plan de seguridade tamén foi deficiente, con numerosas deficiencias sinaladas polos especialistas de emerxencias.

Ademais, Fole lamentou que non se tomaran medidas eficaces para reducir o ‘botellón’ e que o programa de actividades non se distribuíse axeitadamente, deixando a moitos cambadeses sen información sobre as actividades. Tamén criticou o contido do pregón, que cualificou de inapropiado, xa que en vez de exaltar o produto da festa, criticou inxustamente aos adegueiros, colleiteiros e ao sector do mar para satisfacer a axenda política do goberno local.

Finalmente, Sabela Fole considerou que a valoración do alcalde foi "excesivamente triunfalista" e subliñou a necesidade de apostar por un pregón integrador centrado no Albariño e non nun argumentario de partido.