🔴 𝐋Ó𝐏𝐄𝐙 𝐃𝐄𝐒𝐓𝐀𝐂𝐀 𝐄𝐍 𝐂𝐀𝐒𝐓𝐑𝐄𝐋𝐎 𝐀 𝐑𝐄𝐂𝐔𝐏𝐄𝐑𝐀𝐂𝐈Ó𝐍 𝐃𝐀 𝐁𝐈𝐄𝐍𝐀𝐋 𝐃𝐄 𝐀𝐑𝐓𝐄 𝐃𝐄 𝐏𝐎𝐍𝐓𝐄𝐕𝐄𝐃𝐑𝐀 𝐍𝐎 𝐑𝐄𝐂𝐎Ñ𝐄𝐂𝐄𝐌𝐄𝐍𝐓𝐎 𝐀 𝐃𝐀𝐕𝐈𝐃 𝐁𝐀𝐑𝐑𝐎

🔴 Na súa intervención, López eloxiou o labor da Fundación Manolo Paz pola súa contribución ao patrimonio artístico da provincia e destacou o papel crucial de institucións como o Museo de Pontevedra na difusión da cultura galega. “Queremos recoñecer o excelente traballo que vén realizando a Fundación Manolo Paz en favor do noso patrimonio histórico e para converter a nosa provincia nun polo desde o que exportar e importar a mellor arte”, afirmou o presidente.

🔴 O evento, que contou coa presenza de diversas personalidades do ámbito cultural, incluíu unha intervención artística do fotógrafo Adrián Baúlde, así como actuacións musicais e unha degustación de produtos gastronómicos a cargo da adega Paco & Lola e Conservas Daporta.

🔴 Luis López tamén subliñou a importancia da tradición artística na provincia de Pontevedra, mencionando figuras locais como Manolo Paz e Ramón Leiro, e destacou a Escola de Cantería como un berce de escultores que deixaron a súa pegada a nivel internacional. Así mesmo, destacou o papel do Museo de Pontevedra, un dos máis importantes de Galicia, que proximamente ampliará o seu patrimonio coa incorporación do convento de Santa Clara.