🔴 O CONCELLO DE CATOIRA HOMENAXEA AOS PADEXEIROS DO CLUB AS TORRES-ROMARÍA VIKINGA POLOS SEUS ÉXITOS INTERNACIONAIS

O Concello de Catoira recibiu hoxe aos padexeiros e padexeiras do Club de Piragüismo ‘As Torres-Romaría Vikinga’ en recoñecemento polos grandes triunfos acadados nos campionatos de Europa e do Mundo, tanto en pista como en maratón. O alcalde Xoán Castaño e o tenente de alcalde Raúl Gómez destacaron a “tremenda satisfacción” polo rendemento do club e cualificaron aos deportistas como “excelentes embaixadores” da vila a nivel internacional.

O alcalde subliñou o mérito do club ao levar o nome de Catoira polo mundo, destacando que, malia ser un club pequeno, acadaron grandes resultados. Ademais, o goberno local entregou agasallos aos deportistas, animándoos a seguir loitando polos seus soños e converténdose en referentes para futuras xeracións.