🔴 O PP DE CAMBADOS DENUNCIA A ACUMULACIÓN DE LIXO NO CASCO URBANO E O GRAVE ESTADO DE SUCIDADE NAS PARROQUIAS

O grupo municipal do PP de Cambados denuncia o preocupante estado de suciedade que afecta tanto ao casco urbano como ás parroquias do concello. Segundo os populares, durante este verán, a acumulación de lixo nas rúas e a proliferación de maleza de gran tamaño en pistas e beirarrúas están a converter Cambados nun lugar “máis sucio ca nunca”. A situación esténdese tanto ás zonas máis céntricas como ás áreas rurais, onde se perciben graves problemas na recollida de residuos e un notable deterioro das infraestruturas públicas.

A voceira do PP de Cambados, Sabela Fole, subliñou que “a vila presenta un panorama de abandono evidente”, con contedores desbordados e bolsas de lixo espalladas fóra dos mesmos, que están a xerar fortes malos olores. Este problema é particularmente molesto nas zonas de terrazas e nas proximidades de vivendas, onde a falta de limpeza dos contedores está a causar un gran malestar entre os veciños.

Ademais, Fole destacou que as parroquias de Vilariño, Corvillón, Oubiña e Castrelo, así como outras áreas rurais, presentan unha abundante maleza que invade beirarrúas e calzadas, dificultando o tránsito peonil e a circulación de vehículos. “O noso rural semella unha selva amazónica, con moitas zonas de paso completamente intransitables”, lamentou a voceira popular, quen tamén sinalou que este problema se observa nas inmediacións de diversas instalacións municipais, como a pista de atletismo e a nave do clube de piragüismo.

Fole instou ao goberno cuatripartito de Cambados a actuar de maneira urxente para poñer couto a esta situación. Esixiu a inmediata limpeza do casco urbano, unha mellora no servizo de recollida de lixo, e a realización de tarefas de roza e conservación nas pistas e espazos públicos das parroquias e zonas rurais. A portavoz popular subliñou que “esta situación avergoñaría a calquera goberno” e fixo un chamamento para que o executivo local tome medidas que permitan restaurar a limpeza e o bo estado do concello, garantindo así unha mellor calidade de vida para os seus habitantes.