🔴 𝐎 𝐂𝐎𝐍𝐂𝐄𝐋𝐋𝐎 𝐃𝐄 𝐕𝐈𝐋𝐀𝐆𝐀𝐑𝐂Í𝐀 𝐃𝐎𝐀 𝟐𝟎.𝟎𝟎𝟎 𝐄𝐔𝐑𝐎𝐒 𝐏𝐀𝐑𝐀 𝐀𝐗𝐔𝐃𝐀 𝐀𝐎𝐒 𝐃𝐀𝐌𝐍𝐈𝐅𝐈𝐂𝐀𝐃𝐎𝐒 𝐃𝐀 𝐂𝐎𝐌𝐔𝐍𝐈𝐃𝐀𝐃𝐄 𝐕𝐀𝐋𝐄𝐍𝐂𝐈𝐀𝐍𝐀

🔴 A Xunta de Goberno Local de Vilagarcía aprobou hoxe, a proposta da concelleira de Servizos Sociais, Tania García, unha doazón de 20.000 euros destinada aos afectados pola catástrofe na Comunidade Valenciana. Esta axuda económica, que se financiará a través das partidas de Servizos Sociais, responde á situación de emerxencia que afecta a miles de persoas no Levante español, enmarcándose dentro dos principios de solidariedade interterritorial e colaboración administrativa. O importe será ingresado na conta solidaria habilitada pola Generalitat en nome de todos os vilagarciáns.

🔴 En liña coas recomendacións da Federación Española de Municipios e Provincias (FEMP) e coas indicacións das autoridades valencianas, o goberno local de Vilagarcía fai un chamamento á cidadanía que desexe colaborar para que o faga mediante doazóns económicas, pois esta é a forma máis rápida e eficaz de proporcionar axuda. Para iso, existen varias vías dispoñibles:

CRUZ VERMELLA

 • Transferencia bancaria: ES44 0049 0001 5321 1002 2225

 • SMS de 6 euros coa palabra “AYUDA” ao 28092

 • Bizum ao 33512

CÁRITAS

 • “Emergencias DANA Valencia”

 • Caixa Popular: ES19 3159 0078 5716 6338 6025

 • Caixabank: ES02 2100 8734 6113 0064 8236

GENERALITAT VALENCIANA

 • Conta bancaria solidaria (Banco Sabadell): ES94 0081 0693 610002423445

Esta doazón súmase a outras achegas solidarias realizadas polo Concello de Vilagarcía en ocasións anteriores, como as destinadas a Ucraína e ao pobo saharauí, reforzando así o compromiso solidario da administración local.