🔴 CAROU EXPLICA AOS VECIÑOS DE VILAXOÁN A SITUACIÓN ENTRE COSTAS E PORTOS PARA FACILITAR A REHABILITACIÓN DA PRAIA DO PREGUNTOIRO

A Dirección Xeral da Costa e do Mar, dependente do Ministerio para a Transición Ecolóxica e o Reto Demográfico, comprometeuse a asumir a rehabilitación da praia do Preguntoiro, en Vilaxoán, sempre que Portos de Galicia reverta a titularidade do areal á administración estatal. O alcalde de Vilagarcía, Alberto Varela, leva meses xestionando esta cuestión para resolver a disputa de competencias entre ambas administracións, conseguindo finalmente o compromiso de Costas para solicitar formalmente a reversión.

O concelleiro de Turismo, Álvaro Carou, mantivo unha reunión coa asociación de veciños para informarlles dos avances realizados e explicarlles a situación actual. Carou subliñou que, mentres non se formalice a cesión de titularidade, a Xunta de Galicia debe asumir o mantemento da zona, que presenta importantes deficiencias como beirarrúas rotas e luminarias avariadas desde hai semanas, o que supón un risco para viandantes e condutores.

Nesta mesma reunión, Carou lembrou que en xullo de 2024 a xefa territorial da Consellería do Mar, Elena Suárez, percorreu o paseo en compañía de técnicos e veciños para comprobar o estado do lugar. “A pesar das promesas feitas nese momento, ata hoxe non se realizou ningunha intervención”, denunciou Carou. Criticou tamén que tanto Elena Suárez como o portavoz do PP en Vilagarcía, Ana Granja, só se preocupan “do que vai da varanda cara ao mar, pero esquecen o que hai da varanda cara á terra, onde os veciños maiores, os rapaces e os deportistas corren perigo polo mal estado da zona e a falta de iluminación”.

A asociación veciñal tamén propuxo unha solución provisional para mellorar a imaxe do Preguntoiro mentres non se inicia o proxecto definitivo de rehabilitación. Consistiría en cubrir a zona de rochas e formigón entre o paseo e a praia con plataformas de madeira escalonadas, unha medida que xa se aplicou con éxito noutros areais de Asturias e Cantabria. Costas considera a proposta viable, e o Concello está disposto a asumir o custo para que o Preguntoiro ofreza