🔴 𝑨 𝑷𝑳𝑨𝑻𝑨𝑭𝑶𝑹𝑴𝑨 𝑸𝑼𝑬𝑹𝑬𝑴𝑶𝑺 𝑮𝑨𝑳𝑬𝑮𝑶! 𝑶 𝑺𝑨𝑳𝑵É𝑺 𝑨𝑵𝑰𝑴𝑨 Á 𝑽𝑬𝑪𝑰Ñ𝑨𝑵𝒁𝑨 𝑨 𝑷𝑨𝑹𝑻𝑰𝑪𝑰𝑷𝑨𝑹 𝑵𝑨 𝑴𝑨𝑵𝑰𝑭𝑬𝑺𝑻𝑨𝑪𝑰Ó𝑵 𝑫𝑶 23 𝑫𝑬 𝑭𝑬𝑩𝑹𝑬𝑰𝑹𝑶 𝑬𝑵 𝑪𝑶𝑴𝑷𝑶𝑺𝑻𝑬𝑳𝑨

Organizan accións informativas e facilitarán autobuses dende a comarca

🔴 A Plataforma Queremos Galego! O Salnés está a promover a manifestación do 23 de febreiro en Santiago de Compostela con diferentes iniciativas informativas nos concellos da comarca, co obxectivo de trasladar á cidadanía a situación crítica que atravesa o idioma galego e animar á súa participación na mobilización.

🔴 Nos últimos días, membros da plataforma realizaron actividades como a colocación de carteis informativos e o reparto de trípticos en varios puntos da Illa de Arousa. Ademais, están previstas accións en mercados e zonas céntricas de varios municipios:

 • Ogrobe: Venres 14, ás 11.30 no mercado.

 • Cambados: Sábado 15, ás 11.30 no mercado.

 • Meaño: Sábado 15, ás 11.00 en Mercadena.

 • Vilanova: Sábado 15, ás 11.30 por diferentes puntos do concello.

 • Meis: Sábado 15, ás 10.30 no Campo da Feira do Mosteiro.

🔴 A plataforma destaca que estas accións están sendo ben recibidas pola veciñanza, que manifesta a súa preocupación pola situación de emerxencia que vive a lingua galega debido aos retrocesos legais e á desprotección dos dereitos lingüísticos.

“Chamamos ao noso pobo a moverse a favor de aquilo que nos une e identifica: a nosa lingua, o galego”, sinalan dende a Plataforma Queremos Galego!

Para facilitar a asistencia á manifestación, a plataforma organizará autobuses dende a comarca, sempre que haxa un número mínimo de persoas anotadas. As reservas poden facerse antes do mércores 19 de febreiro a través do correo osalnes@queremosgalego.gal.