🔴 TRAGICO ACCIDENTE NO GROVE: FALECE UN MERGULLADOR DE VILANOVA MENTRES EXTRAÍA NAVALLA NA TOXA

A vítima, membro da Confraría de San Martiño, sufriu un fallo no equipo de respiración

O Grove, 18 de marzo de 2025. Un mergullador veciño de Vilanova perdeu a vida esta mañá mentres realizaba labores de extracción de navalla no canal da Toxa. Segundo as primeiras informacións, o home, pertencente á Confraría de Pescadores de San Martiño do Grove, sufriu un problema no equipo de respiración que o deixou sen subministración de aire durante varios minutos.

Foron os seus propios compañeiros quen o rescataron e o trasladaron de urxencia ata o porto de O Corgo, onde os equipos de emerxencia intentaron reanimalo sen éxito.

A Garda Civil abriu unha investigación para esclarecer as causas exactas do suceso. Ata o lugar desprazáronse efectivos de Emerxencias O Grove, 061, Garda Civil e o helicóptero médico do 112 Galicia.