🔴 ABERTO O PRAZO PARA PARTICIPAR NA FESTA DOS MAIOS 2025 EN VILAGARCÍA 🌼✨

A tradicional Festa dos Maios de Vilagarcía xa está en marcha! A concellería de Cultura, que dirixe Sonia Outón, abriu o prazo de inscrición para o certame, que terá lugar o 1 de maio na Praza da II República.

Ata o 24 de abril ás 13:00 h poderás anotarte presencialmente no Auditorio Municipal. Poderán participar persoas a título individual, colectivos culturais, asociacións veciñais ou centros educativos da vila (no caso dos colexios, só poderá inscribirse a ANPA ou a dirección).

As modalidades do concurso son cinco:

• Cónico

• Artístico

• Cruz de maio

• Caixa

• Barco

Todos os grupos recibirán unha rosca e entre 30 e 150 € de achega económica, dependendo do número de participantes e se presentan cantiga interpretada en directo.

Recoméndase o uso de materiais naturais e tradicionais para manter a esencia e a sustentabilidade da celebración. Os maios deberán estar expostos de 11:30 a 20:30 h no parque Miguel Hernández, agás en caso de choiva, que se trasladarán á Praza da Peixería.

Consulta as bases completas e accede ao formulario de inscrición en:

www.vilagarcia.gal | sede@vilagarcia.gal

#MaiosVilagarcía2025 #Primavera #Tradición #CulturaPopular #Vilagarcía #Cantigas #Flores #Galicia