🔴 O DRAKKAR ‘TORRES DO OESTE’ SERÁ REHABILITADO EN RIANXO PARA ESTAR LISTO NA ROMARÍA VIKINGA

O emblemático drakkar do Concello de Catoira acaba de ser trasladado a un estaleiro tradicional en Rianxo para someterse a unha rehabilitación integral. O goberno de Xoán Castaño investirá 48.000 euros na restauración deste símbolo da Romaría Vikinga, co obxectivo de que estea en perfectas condicións para o verán.

A embarcación estaba nun estado “moi crítico”, segundo os informes técnicos de Disgoco Galicia e dun doutor enxeñeiro naval. O barco será desmontado por completo, substituídas as madeiras danadas e reforzada toda a estrutura cunha intervención tradicional. O acabado final imitará madeira, mantendo a esencia histórica do drakkar.

Unha vez listo, volverá ao peirao Torres do Oeste e será reestreado na Romaría transportando aos vikings do desembarco. A medio prazo, o Concello planea usalo para cruceiros turísticos polo Ulla.

“O drakkar vai quedar case como novo e será un motor económico para a vila”, destaca o alcalde.