A segunda edición do festival benéfico Solifest, celebrada o pasado 13 de abril no barrio do Piñeiriño, conseguiu unha recadación total de 7.977,47 euros, case catro veces máis que na súa primeira edición. Así o anunciaron este venres a Asociación Veciñal Breogán e Amencer-Aspace nun acto celebrado no Centro de Atención Integral Princesa Letizia – Amencer, no que participou tamén unha representación de artistas e colaboradores.
Durante o acto, un dos usuarios do centro foi o encargado de recibir simbolicamente o cheque co importe recadado. “Velos mesturados entre o público ou subidos ao escenario bailando con Fran García (Freddie Mercury) é a clave para que o Solifest sexa algo máis ca un acto centrado nos cartos dunha causa”, explicaron os organizadores, destacando o carácter inclusivo dun festival “con rampas, sen barreiras, ser reservados, entre edificios… só maxia e veciñanza construíndo un barrio mellor un domingo calquera de abril”.
🟢 Destino dos fondos recadados:
- Equipamento para a sala de fisioterapia:
- Cinta caminadora
- Barras paralelas
- Produtos para masaxe e aromaterapia
- A petición dos usuarios:
- Materiais para o taller de arte
- Novos mandís para o comedor
- Terapias de rehabilitación para nenos/as con parálise cerebral de familias sen recursos
Un detalle curioso foi que a cesta sorteada por La Tienda del Barrio e Claudio As Pistas non foi reclamada e foi substituída por un vale para o centro, que xa se está a utilizar en actividades como saídas á compra e cociña.
📣 A organización agradeceu a colaboración institucional do Concello de Vilagarcía e da Deputación de Pontevedra, así como a presenza no festival de representantes do PSdeG-PSOE, PP e BNG.
🎤 ARTISTAS PARTICIPANTES:
Borja Mina, DJ AL, Grupo Froallo, Fran García, Dani Barreiro & Friends, Isi Vaamonde, Kevin Weatherill (Immaculate Fools), Factoría de Subsistencia, La Yaya DJ, Somoza Trío e Kris Kdj & Carlos Crespo.
🎈 ZONA KIDS: Festivaliño On The Road
🍴 ZONA GASTRO: Rubén García Castrelo e Xoanqui Ameixeiras
💇 CORTES SOLIDARIOS: Salón Gentleman e CRAZY Studio
🤝 PATROCINADORES: Café-Bar Nautilus, Madia Leva, Amor de Madre, Areoso Beach Club, Arousa Boats & Kayaks, Agricultura Orgánica Terra Viva, Duende Instrumentos Musicales e La Antigua Horno Artesano.
📢 COLABORADORES: Concello de Vilagarcía, Deputación de Pontevedra, Dito e Feito Comunicación, Ricardo González (técnica), La Tienda del Barrio e Claudio As Pistas.
Un ano máis, o barrio do Piñeiriño volveu demostrar por que é coñecido como “o mellor barrio do mundo”.
