A Garda Civil de Vilanova de Arousa detivo este martes a un home de 39 anos, veciño de Vilagarcía e con antecedentes policiais, como presunto autor dun delito de tentativa de homicidio.
Os feitos tiveron lugar o pasado 26 de maio nun bar da localidade vilanovesa. Segundo testemuñas, o agora detido agrediu a outro home cunha hacha. A patrulla desprazada ao lugar atopou á vítima na rúa, ferida de gravidade, e solicitou asistencia sanitaria urxente.
A vítima, que presentaba cortes profundos na cabeza e no brazo esquerdo, foi trasladada ao Hospital do Salnés e mantívose consciente en todo momento. Ademais, confirmou coñecer ao agresor e facilitou datos clave para a investigación.
Tras varios días de investigación, a Garda Civil localizou e detivo ao sospeitoso o 4 de xuño. Esta mañá, o detido pasou a disposición do Xulgado de Garda de Vilagarcía de Arousa.
