O Concello de Vilagarcía vén de convocar o proceso selectivo para contratar a 12 socorristas acuáticos que prestarán servizo durante a tempada de verán nas praias do municipio. Os contratos serán a xornada completa e por tres meses, do 1 de xullo ao 30 de setembro.
📅 As persoas interesadas deben inscribirse o xoves 26 de xuño a través da sede electrónica (👉 sede.vilagarcia.gal), presentando unha solicitude xenérica xunto coa documentación indicada nas bases, dispoñibles no apartado de Recursos Humanos.
⚠️ A pesar da escaseza habitual de socorristas cualificados en Galicia durante o verán, o obxectivo do Concello é cubrir as 12 prazas para poder organizar quendas que garantan o servizo nas tres praias vixiadas:
- A Concha-Compostela
- O Campanario (Bamio)
- O Preguntoiro (Vilaxoán)
Se non se cobren todas as prazas, o servizo limitarase ás dúas praias con Bandeira Azul, onde a vixilancia é obrigatoria.
💶 O custe total da contratación dos 12 socorristas ascende a 76.090,62 euros, dos que o Concello asume o 85 %. A Xunta de Galicia achega unha subvención de só 11.397 euros.
📝 PROCESO DE SELECCIÓN: CONCURSO-OPOSICIÓN
A proba realizarase o sábado 28 de xuño e inclúe:
✅ Exame teórico tipo test sobre tarefas de salvamento
✅ Proba de lingua galega
✅ Probas físicas na praia da Concha-Compostela
Na fase de concurso valorarase, entre outros méritos:
🎓 Título de Patrón de Embarcación
🆘 Técnico en Emerxencias Sanitarias
❤️ Formación no uso de equipos DESA
#SocorristasVilagarcía #PraiasSeguras #EmpregoPúblico #Verán2025 #VilagarcíaDeArousa
