🔴 O CETMAR FORTALECE O SEU LIDERADO NA INNOVACIÓN E NA XESTIÓN SOSTIBLE DO MEDIO MARIÑO GALEGO

 O Centro Tecnolóxico do Mar-FundaciónCETMAR continúa consolidándose como undos principais motores de innovación, sustentabilidade e apoio ao sector marítimo e pesqueiro de Galicia, contribuíndo á protección do medio mariño e á mellora das condicións das xentes que viven del.

Fundado no ano 2001 por iniciativa da Xunta de Galicia e do Goberno de España, CETMAR actúa como punto de encontro entre institucións, ciencia e tecnoloxía mariña, cun enfoque integrador que busca mellorar a eficiencia das actividades vinculadas ao mar e avanzar na aplicación de políticas públicas modernas e efectivas.

Con máis de dúas décadas de traxectoria, o centro estende o seu traballo dende o ámbito local ata o internacional, colaborando con máis de 900 entidades de 61 países. A súa actividade abrangue áreas fundamentais como a transferencia de tecnoloxía, a cooperación internacional, a formación especializada, a gobernanza e a observación do medio marino.

Un dos proxectos máis destacados que lidera actualmente é o Programa de Ciencias Mariñas de Galicia (PCCMMG), cun orzamento de 10 millóns de euros e a implicación de 250 investigadores e investigadoras. Coordinado por CETMAR este programa promove a investigación mariña desde unha visión multidisciplinar e sostible, abordando retos como a innovación azul, a acuicultura de precisión e o seguimento ambiental.

Así mesmo, CETMAR participa activamente no Observatorio Costeiro da Xunta de Galicia, en colaboración con MeteoGalicia e Intecmar. Esta iniciativa permite a predición oceanográfica e meteorolóxica, sendo clave na prevención de riscos, a xestión ante fenómenos extremos e a adaptación ao cambio climático.

Outro dos eixos estratéxicos do centro é a Estratexia da Economía Azul de Galicia, da que CETMAR é oficina técnica responsable.

Neste papel, o centro encargase de monitorizar a súa evolución, fomentar a súa implantación efectiva e garantir a implantación efectiva e garantir a transparencia comunicativa dos seus resultados á sociedade.

O Padroado que rexe a Fundación reflicte a súa vocación colaborativa, reunindo ás tres universidades galegas, o CSIC, o Instituto Español de Oceanografia, CECOPESCA, diversas consellerías da Xunta de Galicia, ministerios do Goberno central e representantes do sector empresarial como Conxemar.

Con este labor constante, CETMAR reafirma o seu compromiso cun futuro sostible para o mar, apostando pola ciencia, a innovación e a cooperación como ferramentas para construir unha Galicia mariñeira máis resiliente, preparada e próspera.