🔴 𝗕𝗡𝗚 𝗔𝗩𝗔𝗡𝗭𝗔 𝗡𝗔𝗦 𝗡𝗘𝗚𝗢𝗖𝗜𝗔𝗖𝗜Ó𝗡𝗦 𝗗𝗢𝗦 𝗢𝗥𝗭𝗔𝗠𝗘𝗡𝗧𝗢𝗦 𝗣𝗘𝗥𝗢 𝗠𝗔𝗡𝗧É𝗡 𝗣𝗘𝗡𝗗𝗘𝗡𝗧𝗘 𝗢 𝗦𝗘𝗨 𝗩𝗢𝗧𝗢

🗳️ O @bngvilagarcia anuncia que, malia os avances acadados nas negociacións cos orzamentos municipais do 2025, aínda non pode confirmar a súa postura de cara ao pleno. A formación explica que seguen pendentes de pechar actuacións que considera fundamentais para a veciñanza.

📑 Desde que se presentou a documentación na Xunta de Voceiros, o BNG trasladou propostas recollidas da cidadanía e de acordos plenarios, traballando durante meses co obxectivo de integralas nas contas municipais. “Chegar a un consenso supón responsabilidade, coherencia e lealdade coa confianza depositada en nós, fronte á política de foto e propaganda”, subliñan.

🏠 Un dos puntos clave é a redacción dunha ordenanza fiscal para gravar as Vivendas de Uso Turístico (VUT), que xa superan as 680 rexistradas no municipio, unha medida que parte dunha moción nacionalista aprobada en pleno.

💡 Ademais, o BNG considera prioritarios estes investimentos:

🅿️ Adquisición dunha parcela para aparcadoiro en Carril (215.000 €)

🚻 Instalación de baños autolimpiables e aseos públicos

🏛️ Recuperación da fachada do Balneario (150.000 €), primeiro paso da súa transformación integral

🌳 Ampliación da superficie arborada no Río do Con (280.000 €)

🛣️ Consensuar as prioridades no Plan de Asfaltados

♿ Melloras de accesibilidade na Zona da Rosa (1ª fase en Carril, 100.000 €)

🏟️ Reforma do pavillón de Bamio (80.000 €)

🛡️ Recuperación do escudo de Vilaxoán (15.500 €)

🎭 Investimentos en Patrimonio Cultural e Histórico

🤝 O BNG continuará con reunións ao longo desta semana coa intención de chegar a un acordo definitivo. Ademais, insiste en que os orzamentos do 2025 deben ir ligados aos do 2026, que deberán presentarse para aprobación no primeiro trimestre do ano.