🔴 𝗢 𝗣𝗣 𝗔𝗖𝗨𝗦𝗔 𝗔𝗟 𝗕𝗜𝗣𝗔𝗥𝗧𝗜𝗧𝗢 𝗗𝗘 𝗣𝗥𝗘𝗦𝗘𝗡𝗧𝗔𝗥 𝗨𝗡𝗦 𝗣𝗥𝗘𝗦𝗨𝗣𝗢𝗦𝗧𝗢𝗦 𝗣𝗔𝗥𝗔 «𝗔𝗣𝗔𝗥𝗘𝗡𝗧𝗔𝗥» 𝗘 𝗘𝗦𝗖𝗢𝗡𝗗𝗘𝗥 𝗨𝗡𝗔 𝗫𝗘𝗦𝗧𝗜Ó𝗡 𝗠𝗨𝗡𝗜𝗖𝗜𝗣𝗔𝗟 𝗗𝗘𝗙𝗜𝗖𝗜𝗘𝗡𝗧𝗘

O Partido Popular de Vilagarcía non sae do seu asombro ante a presentación dos Orzamentos de 2025 por parte do bipartito encabezado por Alberto Varela. A portavoz Ana Granja asegurou que estas contas non son máis ca unha “manobra propagandística”, elaboradas co único obxectivo de aparentar traballo e ocultar o que considera unha xestión municipal deficiente.

👉 Dende o PP critican que, malia ter aprazado o pleno de setembro para preparar o documento, a oposición continúe sen recibir a información completa. “O único que coñecemos é un borrador, igual que o ano pasado, e a información máis actualizada témola pola prensa”, advertiu Granja.

Ademais, os populares consideran unha falta de respecto que o goberno local non convocase reunións previas para negociar achegas co partido máis votado. “Non se trata dunha falta de respecto ao PP, senón a todos os veciños de Vilagarcía, que merecen transparencia e diálogo real”, engaden.

📉 Outro dos reproches céntrase na intención do bipartito de solicitar un novo préstamo de 3 millóns de euros. “O ano pasado xa pedíronse 5 millóns e a maioría das obras, por non dicir todas, están sen iniciar. Dos 21 millóns orzamentados para investimentos, só se executaron pouco máis de 5, arredor do 23%. Que sentido ten seguir endebedando ao Concello se non son capaces de executar os orzamentos? É unha auténtica tomadura de pelo”, cuestiona a portavoz popular.

Os populares tamén poñen o acento no retraso na tramitación destas contas. Uns Orzamentos que deberían estar en vigor dende o 1 de xaneiro chegarán en outubro, polo que, segundo denuncian, “na práctica non serán efectivos ata o 2026. Esta é a forma de gobernar do PSOE e do BNG: tarde, mal e sen planificación”.

🔴 A conclusión do PP é clara: os Orzamentos de Varela e os seus socios nacionalistas non responden ás necesidades de Vilagarcía, senón que buscan aparentar unha xestión que non existe. “É só propaganda política para dar titulares e tapar unha realidade marcada pola falta de eficacia e polo descontrol”, rematan