🔴 𝗔 𝗚𝗔𝗥𝗗𝗔 𝗖𝗜𝗩𝗜𝗟 𝗘𝗡𝗧𝗥𝗘𝗡𝗔 𝗘𝗡 𝗣𝗢𝗡𝗧𝗘𝗩𝗘𝗗𝗥𝗔 𝗔 𝗦𝗨́𝗔 𝗥𝗘𝗦𝗣𝗢𝗦𝗧𝗔 𝗔𝗡𝗧𝗘 𝗨𝗡𝗔 𝗔𝗠𝗘𝗔𝗭𝗔 𝗤𝗨Í𝗠𝗜𝗖𝗔 𝗦𝗜𝗠𝗨𝗟𝗔𝗗𝗔

 

A Garda Civil desenvolveu na provincia de Pontevedra un exercicio NRBQ (Nuclear, Radiolóxico, Biolóxico e Químico) organizado pola UCO-NRBQ, pertencente ao Servizo de Desactivación de Explosivos – NRBQ (SEDEX-NRBQ), no marco do Programa Anual de Exercicios e Simulacros establecido pola Dirección Xeral da Garda Civil (DGGC).

O obxectivo desta práctica é avaliar a coordinación e a capacidade de resposta das unidades que integran o sistema NRBQ da Garda Civil, mediante a simulación dun escenario de activación real no que interveñen distintas unidades con medios especializados. No operativo participaron as USECIC das catro provincias galegas, o GRS nº7 e a propia UCO-NRBQ.

🧪 Simulación dun atentado químico

O exercicio partía da hipótese dun atentado con axente químico durante unhas festas patronais nun municipio pontevedrés, no contexto dunha suposta operación antiterrorista internacional. Unha vez localizado o domicilio do presunto sospeitoso, as diferentes unidades realizaron un despregue operativo adaptado ás súas capacidades e recursos humanos.

De acordo co protocolo establecido, a Comandancia da Garda Civil activou de inmediato á unidade especializada NRBQ, encargada de facer a primeira valoración da ameaza e as xestións iniciais de detección do axente agresivo. De xeito simultáneo, outros efectivos procederon á perimetración da zona, á activación dos controis de acceso e ás primeiras tarefas de apoio na descontaminación e protección do persoal afectado.

🚨 Intervención do GRS nº7 e apoio técnico da UCO-NRBQ

Ante a gravidade da situación simulada, solicitouse o apoio do Grupo de Reserva e Seguridade nº7 (GRS nº7), cuxo persoal se desprazou ata o punto de intervención. Os seus especialistas encargáronse de confirmar o tipo de axente químico mediante técnicas analíticas, realizar a toma de mostras, recollida de indicios, selado da zona afectada e a descontaminación especializada do persoal interviniente.

Ademais, membros da UCO-NRBQ integráronse na dirección técnica da emerxencia, colaborando na inspección ocular e na toma de mostras en ambiente contaminado, reforzando así a coordinación e eficacia operativa das diferentes unidades NRBQ despregadas en Galicia.

🟩 Compromiso coa formación e a seguridade

Con este tipo de exercicios, a Garda Civil reafirma o seu compromiso coa preparación técnica, a cooperación interunidades e a seguridade cidadá, garantindo unha resposta rápida e eficaz ante calquera ameaza de carácter nuclear, radiolóxico, biolóxico ou químico.