🔴 𝗔 𝗗𝗘𝗣𝗨𝗧𝗔𝗖𝗜Ó𝗡 𝗗𝗘𝗦𝗧𝗜𝗡𝗔 𝗠Á𝗜𝗦 𝗗𝗘 𝟭𝟬𝟬.𝟬𝟬𝟬 € 𝗔 𝗢𝗦 𝗖𝗟𝗨𝗕𝗦 𝗗𝗘 𝗔𝗥𝗢𝗨𝗦𝗔 𝗡𝗔𝗦 𝗔𝗫𝗨𝗗𝗔𝗦 𝗔𝗢 𝗗𝗘𝗣𝗢𝗥𝗧𝗘 𝗜𝗡𝗙𝗘𝗥𝗜𝗢𝗥 𝗔 𝗘𝗦𝗧𝗔𝗧𝗔𝗟

A Deputación de Pontevedra aprobou o reparto das súas axudas ao deporte de ámbito federado inferior a estatal e á Preferente Galicia, un plan que mobiliza este ano 650.000 euros para 564 clubs de 59 concellos da provincia. Na comarca de Arousa, 82 clubs recibirán preto de 104.000 euros para financiar gastos de competición, adestramentos, persoal, material ou sanitarios durante a temporada 2024-2025.

🔹 En Vilagarcía de Arousa, 20 clubs suman 25.195 euros, entre eles o Club de Balonmán Arousa, o Club Natación Vilagarcía S.D., o Club de Rugby Los Ingleses, o Motoclub VFM ou o Umia FC (Preferente Galicia).

🔹 En Sanxenxo, 12 clubs reciben máis de 17.000 €, destacando o Sanxenxo Balonmán e o CD Portonovo.

🔹 En Cambados, dez clubs levan preto de 16.000 €, con entidades como o Club Xuventude de Baloncesto, o Club de Tenis Cambados ou o Xuventude (Preferente Galicia).

🔹 No Grove, oito clubs suman 8.494 €, entre eles a S.D. Amanecer e o Tecor San Martiño.

🔹 En Meis, sete clubs reciben 8.821 €, entre eles o Zacande FC e a Sociedade de Cazadores de Armenteira.

🔹 En Vilanova, outros sete clubs contan con 6.758 €, como a S.D.P. Arnelas ou a UD San Miguel de Deiro.

🔹 Na Illa de Arousa, catro clubs reparten 7.954 €, entre eles o Céltiga (Preferente Galicia).

🔹 Tamén se reparten fondos en Catoira (2.544 €), Meaño (3.026 €), Pontecesures (2.346 €), Ribadumia (3.465 €) e Valga (2.210 €).

O presidente provincial, Luis López, subliñou que este programa é clave para “escoitar, entender e atender” as necesidades do deporte de base, permitindo que centos de clubs poidan manter a súa actividade e competir con maiores garantías.