🔴 𝗕𝗡𝗚 𝗜𝗡𝗦𝗧𝗔 𝗔𝗢 𝗚𝗥𝗨𝗣𝗢 𝗗𝗘 𝗚𝗢𝗕𝗘𝗥𝗡𝗢 𝗔 𝗧𝗢𝗠𝗔𝗥 𝗠𝗘𝗗𝗜𝗗𝗔𝗦 𝗣𝗥𝗘𝗩𝗘𝗡𝗧𝗜𝗩𝗔𝗦 𝗙𝗥𝗢𝗡𝗧𝗘 𝗔 𝗖𝗟𝗜𝗠𝗔𝗧𝗢𝗟𝗢𝗫𝗜́𝗔 𝗔𝗗𝗩𝗘𝗥𝗦𝗔

🔴 O Bloque Nacionalista Galego presentará no próximo pleno unha petición para que o Concello adopte medidas preventivas sempre que se teña previsión de climatoloxía adversa. O grupo nacionalista considera imprescindible anticiparse a fenómenos meteorolóxicos de certa envergadura, como borrascas ou chuvias intensas, para protexer as rúas, infraestruturas e a seguridade da cidadanía.

Dende o BNG sinalan que as actuacións realizadas estes dous últimos días polo grupo de goberno, como a revisión puntual dos sumidoiros para evitar desbordamentos, son “positivas pero insuficientes”. Para o Bloque, estas medidas deberían adoptarse de forma sistemática e preventiva, non só de xeito reactivo, garantindo así unha maior eficacia fronte a episodios de choiva intensa.

Ademais, o BNG propón que se estableza un calendario anual de revisión e desatasco de todos os sumidoiros do concello, que podería realizarse ao rematar o verán, antes da chegada da época de choivas. Segundo os nacionalistas, esta planificación permitiría reducir significativamente os problemas de inundacións e mellorar a preparación do municipio fronte a climatoloxía adversa.