🔴 𝗢 𝗖𝗢𝗡𝗖𝗘𝗟𝗟𝗢 𝗗𝗘 𝗩𝗜𝗟𝗔𝗚𝗔𝗥𝗖𝗜́𝗔 𝗥𝗘𝗡𝗢𝗩𝗔𝗥Á 𝗢 𝗙𝗜𝗥𝗠𝗘 𝗡𝗔 𝗥𝗢𝗧𝗢𝗡𝗗𝗔 𝗗𝗢 𝗖𝗔𝗩𝗔𝗗𝗘𝗟𝗢 𝗢 𝗟𝗨𝗡𝗦 𝗤𝗨𝗘 𝗩𝗘́𝗡

🔴 O Concello de Vilagarcía executará este luns a renovación do firme na rotonda do Cavadelo, dentro do Plan Municipal de Asfaltados, que conta cun investimento total de 344.000 euros. Segundo informa Marconsa, a empresa responsable da actuación, os traballos só poderán realizarse se o tempo o permite, xa que a chuvia impediría avanzar na obra. Trátase dunha das reparacións máis demandas pola veciñanza, ao ser un punto de acceso fundamental ao centro da vila. Para evitar o peche da glorieta, os operarios serán os encargados de regular o tráfico mentres duren as labores.

Marconsa está a executar o Lote II do Plan, que inclúe a mellora de nove viais. As obras avanzan a bo ritmo e xa se actuou nas rúas San Andrés (O Carril), Fondo da Vila (Trabanca Sardiñeira), Ramón Martínez (O Piñeiriño), Fonte de Faxilde, na estrada fronte ao Pavillón Sara Gómez e no acceso ao Hospital do Salnés. A previsión é continuar pola rúa Marxiada (Sobradelo), onde tamén se renovarán os pluviais.

Pola súa banda, COVSA, empresa encargada do Lote I do Plan de Asfaltados, iniciará en breve os traballos na rúa Fontecarmoa e nas travesías Rosalía de Castro.