🔴 𝐂𝐀𝐌𝐁𝐀𝐃𝐎𝐒 𝐏𝐑𝐄𝐒𝐄𝐍𝐓𝐀 𝐔𝐍𝐀 𝐀𝐌𝐏𝐋𝐀 𝐏𝐑𝐎𝐆𝐑𝐀𝐌𝐀𝐂𝐈Ó𝐍 𝐃𝐄 𝐍𝐀𝐃𝐀𝐋 𝟐𝟎𝟐𝟓 𝐂𝐎𝐍 𝐀𝐂𝐓𝐈𝐕𝐈𝐃𝐀𝐃𝐄𝐒 𝐏𝐀𝐑𝐀 𝐓𝐎𝐃𝐎𝐒 𝐎𝐒 𝐏Ú𝐁𝐋𝐈𝐂𝐎𝐒

🔴 O Concello de Cambados xa ten lista a súa programación oficial do Nadal 2025, un completo calendario cheo de actividades culturais, festivas e familiares que se desenvolverán en diferentes espazos urbanos desde o 28 de novembro ata o 9 de xaneiro, combinando música, cine, tradición, animación infantil e as visitas máis esperadas destas datas.

🔴 O arranque será o 28 de novembro, coa tradicional acendida do alumeado de Nadal na Praza do Concello, acompañada de chocolate con rosca e a música da charanga Mii9. O día 5 de decembro, o Parque de Torrado converterase no epicentro da diversión coa apertura das atraccións infantís e coa inauguración da Aldea de Nadal.

🔴 A música terá un papel protagonista en toda a programación: o 18 de decembro celebrarase no Auditorio da Xuventude o concerto da banda de música xuvenil e infantil da ESMU e CMS municipais de Cambados; o 23 de decembro, o Salón Peña acollerá o concerto da Orquestra Gaos; e o 27 de decembro, será a quenda da banda de música de Castrelo.

🔴 Non faltarán as actividades máis agardadas polos nenos e nenas: o 24 de decembro chegará Papá Noël, que visitará durante a mañá as parroquias e pola tarde o centro de Cambados. Do 26 de decembro ao 3 de xaneiro, o Salón Peña acollerá o tradicional Nadal en Peña, con horario de mañá e tarde.

🔴 O cine tamén estará presente no Auditorio da Xuventude: o 20 de decembro proxectarase San Simón; o 28 de decembro, Superklaus; e o 4 de xaneiro, Chicken Run (Ameñecer dos Nuggets).

🔴 O fin de ano vivirá dous momentos destacados: o 31 de decembro, coas badaladas e uvas da sorte na Praza do Concello, e a popular Carreira de San Silvestre, con saída dende a Praza de Fefiñáns e coa visita posterior do Apalpador.

🔴 O día grande para as familias será o 5 de xaneiro, coa visita dos Reis Magos, que percorrerán as parroquias pola mañá e protagonizarán a tradicional cabalgata pola tarde, rematando cunha recepción na Praza de Fefiñáns (ou no Auditorio da Xuventude en caso de chuvia).

🔴 A programación pecharase o 9 de xaneiro co sorteo da Campaña de Nadal de Zona Centro, que repartirá 2.000 euros en premios entre a veciñanza e os clientes do comercio local.

🔴 A programación completa pode consultarse no cartel oficial do Concello de Cambados, que recolle todas as actividades, horarios e localizacións.