🔴 𝐈𝐒𝐀𝐀𝐂 𝐑𝐎𝐒𝐎́𝐍 𝐀𝐍𝐀𝐋𝐈𝐙𝐀 𝐂𝐎𝐍 𝐎𝐏𝐌𝐄𝐆𝐀 𝐀 𝐒𝐈𝐓𝐔𝐀𝐂𝐈𝐎́𝐍 𝐃𝐀 𝐌𝐈𝐓𝐈𝐂𝐔𝐋𝐓𝐔𝐑𝐀 𝐄𝐍 𝐆𝐀𝐋𝐈𝐂𝐈𝐀

🔴 O director xeral de Pesca, Acuicultura e Innovación Tecnolóxica, 𝐈𝐬𝐚𝐚𝐜 𝐑𝐨𝐬𝐨́𝐧, reuniuse este luns con representantes da Organización de Produtores de Mexillón de Galicia (Opmega) no marco da rolda de contactos que mantén co sector para analizar a situación actual da miticultura.

🔴 Durante o encontro púxose de relevo o papel estratéxico desta actividade en Galicia, que concentra o 44,6 % da produción europea de mexillón, consolidándose como líder neste ámbito extractivo a nivel continental.

🔴 Desde a Consellería do Mar destacouse a importancia de manter un contacto permanente cos distintos axentes socioeconómicos do sector marítimo-pesqueiro, co obxectivo de coñecer de primeira man as súas necesidades e avanzar en políticas que garantan a viabilidade futura da actividade.

🔴 No caso do mexillón, a miticultura constitúe un piar fundamental da economía galega, cun total de máis de 3.300 bateas, unha elevada capacidade de xeración de emprego e un papel clave na sostibilidade ambiental das rías, contribuíndo ao equilibrio produtivo e ecolóxico do litoral galego.