🔴 𝐕𝐈𝐋𝐀𝐆𝐀𝐑𝐂Í𝐀 𝐂𝐄𝐋𝐄𝐁𝐑𝐀 𝐎 𝐄𝐍𝐓𝐑𝐎𝐈𝐃𝐎 𝐂𝐎𝐍 𝐔𝐍 𝐎𝐁𝐑𝐀𝐃𝐎𝐈𝐑𝐎 𝐈𝐍𝐅𝐀𝐍𝐓𝐈𝐋 𝐃𝐄 𝐌Á𝐒𝐂𝐀𝐑𝐀𝐒 𝐍𝐀 𝐁𝐈𝐁𝐋𝐈𝐎𝐓𝐄𝐂𝐀 𝐑𝐎𝐒𝐀𝐋Í𝐀 𝐃𝐄 𝐂𝐀𝐒𝐓𝐑𝐎 🎭📚

🔴 A Biblioteca Pública Rosalía de Castro, en Vilagarcía de Arousa, súmase ás celebracións do Entroido cun obradoiro infantil de confección de máscaras que se impartirá o venres 20 de febreiro, a partir das 18:00 horas, nas dependencias da rúa Castelao.

🔴 A actividade é de balde e está dirixida a nenos e nenas a partir de seis anos, que poderán participar sós ou acompañados. O taller terá unha duración aproximada de 90 minutos, ofrecendo unha proposta lúdica e creativa para mergullarse no espírito do Entroido a través da elaboración artesanal de máscaras.

🔴 O obradoiro será impartido pola compañía “Juste Kamishibai, papel e teatro” e conta cun máximo de quince prazas, que se cubrirán por rigorosa orde de inscrición.

🔴 As persoas interesadas en participar deberán formalizar a súa inscrición previamente no mostrador de información da Biblioteca. Unha iniciativa pensada para fomentar a creatividade, a participación cultural e a tradición festiva entre a cativada da vila. 🎨