🔴 𝐀𝐑𝐎𝐔𝐒𝐀 𝐌𝐎𝐙𝐀 𝐂𝐄𝐋𝐄𝐁𝐑𝐀 𝐀 “𝐒𝐄𝐌𝐀𝐍𝐀 𝐃𝐀 𝐓𝐄𝐑𝐑𝐀” 🌍 𝐂𝐎𝐍 𝐀𝐂𝐓𝐈𝐕𝐈𝐃𝐀𝐃𝐄𝐒 𝐏𝐀𝐑𝐀 𝐓𝐎𝐃𝐀𝐒 𝐀𝐒 𝐈𝐃𝐀𝐃𝐄𝐒

🔴 Arousa Moza impulsa do 21 ao 26 de abril a “Semana da Terra”, coincidindo co Día Internacional da Terra, cun programa de actividades ambientais e de ocio aberto a toda a cidadanía. A iniciativa busca concienciar sobre o coidado do medio ambiente e fomentar a participación xuvenil arredor da sustentabilidade no marco do proxecto internacional Eco-Art, que reúne en Vilanova de Arousa a mozos de varios países europeos grazas ao programa Erasmus+.

🔴 A programación arrancou cunha limpeza da praia do Castelete, en Vilagarcía, e continuará este venres cunha Yincana Ecolóxica para nenos e nenas nos parques da vila. O sábado terá lugar unha gran xornada de xogos, obradoiros e inchables no Parque Umbrío de Vilanova, con propostas lúdicas e educativas e a creación dun mural colectivo centrado na concienciación ambiental.

🔴 A Semana da Terra rematará o domingo cunha andaina pola Ruta da Pedra e da Auga ata o Mosteiro de Armenteira, que incluirá un picnic comunitario. Todas as actividades son gratuítas e abertas ao público con inscrición previa, nunha aposta de Arousa Moza por promover a cooperación internacional, a participación da mocidade e o respecto polo entorno natural.

#ArousaMoza #SemanaDaTerra #MedioAmbiente #Xuventude #Arousa #Sostibilidade 🌱