🔴 𝐑𝐀𝐔𝐋 𝐒𝐀𝐍𝐓𝐀𝐌𝐀𝐑Í𝐀 𝐎𝐏𝐓𝐀𝐑Á Á 𝐏𝐑𝐄𝐒𝐈𝐃𝐄𝐍𝐂𝐈𝐀 𝐃𝐄 𝐍𝐍𝐗𝐗 𝐃𝐄 𝐏𝐎𝐍𝐓𝐄𝐕𝐄𝐃𝐑𝐀

🔴 O deputado autonómico e concelleiro vilagarcián 𝐑𝐚ú𝐥 𝐒𝐚𝐧𝐭𝐚𝐦𝐚𝐫í𝐚 anunciou a súa intención de presentar candidatura á presidencia provincial de Novas Xeracións de Pontevedra no congreso previsto para o vindeiro 12 de xuño. O popular buscará substituír á actual presidenta, 𝐀𝐧𝐚 𝐂𝐫𝐢𝐬𝐭𝐢𝐧𝐚 𝐏é𝐫𝐞𝐳 𝐂𝐚𝐛𝐚𝐥𝐞𝐢𝐫𝐨, tras oito anos á fronte da organización xuvenil do PP provincial e despois de acadar o límite de idade establecido polos estatutos.

🔴 𝐑𝐚ú𝐥 𝐒𝐚𝐧𝐭𝐚𝐦𝐚𝐫í𝐚, que xa iniciou en Vilagarcía a recollida de avais necesaria para oficializar a súa candidatura, explicou que pretende percorrer todas as comarcas da provincia para presentar o seu proxecto á militancia de NNXX e conseguir os apoios precisos antes do peche do prazo, fixado para o 25 de maio. “Tivemos unha grandísima etapa con Ana Cristina e hai que darlle continuidade ao proxecto provincial de Novas Xeracións, que é o máis cercano á xuventude”, sinalou, asegurando tamén que leva “toda a vida comprometido coa mocidade”.

🔴 O parlamentario galego, licenciado en Educación Primaria e profesor, preside Novas Xeracións de Vilagarcía desde 2016, é concelleiro desde 2022 e deputado autonómico desde 2023. Ademais, participa nas comisións parlamentarias de Educación e Cultura e de Sanidade, Política Social e Emprego. No ámbito asociativo tamén destacou polo seu papel en Arousa Moza e pola súa participación televisiva no programa “Reacción en Cadea” xunto aos Mozos de Arousa, coa finalidade de conseguir fondos para un local social destinado á entidade.