🔴 𝐀 𝐏𝐎𝐋𝐈𝐂Í𝐀 𝐋𝐎𝐂𝐀𝐋 𝐃𝐄 𝐒𝐀𝐍𝐗𝐄𝐍𝐗𝐎 𝐃𝐄𝐓É𝐍 𝐀 𝐔𝐍 𝐕𝐄𝐂𝐈𝐍̃𝐎 𝐓𝐑𝐀𝐒 𝐈𝐍𝐂𝐀𝐔𝐓𝐀𝐑𝐋𝐋𝐄 𝟒𝟎 𝐆𝐑𝐀𝐌𝐎𝐒 𝐃𝐄 𝐂𝐎𝐂𝐀Í𝐍𝐀 🚔

 

🔴 A Policía Local de Sanxenxo detivo o pasado venres a un veciño da localidade, de 36 anos de idade, despois de ser interceptado nunha céntrica rúa do municipio por cometer unha infracción de tráfico ao utilizar manualmente o teléfono móbil mentres conducía.

🔴 Durante a intervención, os axentes localizaron tres paquetes que contiñan un total de 40 gramos de suposta cocaína, parte dela en roca sen cortar. Tras a incautación da substancia, o investigado foi trasladado ao cuartel da Garda Civil para completar as dilixencias correspondentes por un presunto delito contra a saúde pública.

🔴 Segundo fontes policiais, o detido xa era coñecido polas Forzas e Corpos de Seguridade e fora arrestado hai menos de dous meses por feitos similares, despois de que se lle interviñesen cartos en efectivo e 9 gramos de cocaína. Este tipo de delitos contra a saúde pública poden levar aparelladas penas de prisión de entre tres e seis anos.