🔴 𝐄𝐔 𝐄𝐒𝐈𝐗𝐄 𝐌Á𝐈𝐒 𝐏𝐑𝐀𝐙𝐀𝐒 𝐃𝐄 𝐑𝐄𝐒𝐈𝐃𝐄𝐍𝐂𝐈𝐀 𝐏𝐀𝐑𝐀 𝐏𝐄𝐑𝐒𝐎𝐀𝐒 𝐌𝐀𝐈𝐎𝐑𝐄𝐒 𝐄𝐍 𝐕𝐈𝐋𝐀𝐆𝐀𝐑𝐂Í𝐀 🏥

🔴 O grupo municipal de 𝐄𝐔 considera de máxima urxencia solucionar a falta de prazas en residencias para persoas maiores no concello de Vilagarcía, polo que esixe ao goberno local PSdeG-BNG a posta en marcha inmediata de negociacións coas administracións competentes para incrementar a oferta existente.

🔴 Segundo as recomendacións da 𝐎𝐌𝐒, o número de prazas debería situarse arredor do 5% da poboación maior de 65 anos, o que no caso de Vilagarcía suporía cando menos 425 prazas. Porén, na actualidade apenas existen arredor dun cento, unha cifra que o grupo cualifica de claramente insuficiente.

🔴 Dende EU reclaman ao goberno local que lidere esta demanda e active a colaboración coa Xunta para crear novas prazas públicas, advertindo de que sen vontade política nin cooperación institucional non se poderán cubrir as necesidades reais da veciñanza.

🔴 A formación que dirixe Juan Manuel Fajardo critica que, mentres non se resolven carencias básicas como esta, se sigan priorizando investimentos de carácter estético, sinalando que “a Vilagarcía sobranlle obras de escaparate e precisa políticas centradas no coidado das persoas”.