🔴 𝐎 𝐒𝐀𝐋𝐍𝐄́𝐒 𝐑𝐄𝐅𝐎𝐑𝐙𝐀 𝐀 𝐒𝐔́𝐀 𝐀𝐏𝐎𝐒𝐓𝐀 𝐏𝐎𝐋𝐎 𝐌𝐄𝐑𝐂𝐀𝐃𝐎 𝐂𝐇𝐈𝐍𝐄́𝐒 𝐂𝐎𝐍 𝐔𝐍𝐇𝐀 𝐌𝐈𝐒𝐈𝐎́𝐍 𝐓𝐔𝐑𝐈́𝐒𝐓𝐈𝐂𝐀 𝐄 𝐈𝐍𝐒𝐓𝐈𝐓𝐔𝐂𝐈𝐎𝐍𝐀𝐋

 

🔴 A Mancomunidade do Salnés iniciará o próximo 24 de xuño unha misión institucional e turística en China que se prolongará ata o 1 de xullo. A delegación estará encabezada polo presidente da entidade, 𝐃𝐚𝐯𝐢𝐝 𝐂𝐚𝐬𝐭𝐫𝐨, e contará coa participación de turoperadores da comarca e representantes do Clúster Turismo de Galicia, co obxectivo de consolidar a presenza do destino O Salnés nun dos mercados emisores con maior potencial de crecemento a nivel mundial.

🔴 A axenda inclúe reunións e foros de cooperación turística e cultural en cidades da provincia chinesa de Zhejiang, como Qingtian, Lishui e Hangzhou. A misión busca fortalecer as relacións xa existentes entre ambos territorios, promover novas oportunidades comerciais e avanzar na desestacionalización turística, favorecendo a chegada de visitantes ao longo de todo o ano e non só durante a tempada alta.

🔴 𝐃𝐚𝐯𝐢𝐝 𝐂𝐚𝐬𝐭𝐫𝐨 destacou que esta iniciativa forma parte dunha estratexia continuada de internacionalización baseada na colaboración público-privada. O Salnés presentará en China os seus principais atractivos turísticos, como o viño Albariño, a gastronomía mariñeira, as rías, o patrimonio cultural, o Camiño de Santiago e a riqueza natural da comarca, coa intención de seguir posicionándose como un destino internacional de calidade e experiencias auténticas.