🔴 𝗢 𝗣𝗣 𝗗𝗘 𝗖𝗔𝗧𝗢𝗜𝗥𝗔 𝗔𝗖𝗨𝗦𝗔 𝗔𝗢 𝗚𝗢𝗕𝗘𝗥𝗡𝗢 𝗟𝗢𝗖𝗔𝗟 𝗗𝗘 “𝗠𝗘𝗡𝗧𝗜𝗥” 𝗦𝗢𝗕𝗥𝗘 𝗔 𝗗É𝗕𝗘𝗗𝗔 𝗘 𝗗𝗘𝗡𝗨𝗡𝗖𝗜𝗔 𝗨𝗡 𝗔𝗨𝗠𝗘𝗡𝗧𝗢 𝗗𝗘 𝗠Á𝗜𝗦 𝗗𝗘 𝟭𝟯𝟬.𝟬𝟬𝟬 𝗘𝗨𝗥𝗢𝗦

🔴 O Partido Popular de Catoira acusou ao goberno municipal de “mentir abertamente” á veciñanza ao asegurar que reduciu a débeda do Concello e responsabilizar ao anterior mandato da situación económica. Os populares sosteñen que os datos oficiais reflicten un incremento do endebedamento superior aos 130.000 euros con respecto ao exercicio anterior.

🔴 A formación encabezada por Estefanía Frieiro considera que este aumento resulta “inxustificable e indignante”, especialmente despois da subida de impostos aplicada polo executivo local. Segundo sinalan, a presión fiscal incrementouse ata un 20 % nalgúns tributos, poñendo como exemplo o imposto de circulación, que pasou de 87 a 107 euros, así como un incremento de arredor de 100 euros no recibo de determinadas vivendas.

🔴 Desde o PP pregúntanse “onde están metendo os cartos” se a recadación municipal aumentou mentres tamén o fai a débeda. Ademais, aseguran que o Concello non realiza investimentos con fondos propios e que as actuacións que se desenvolven no municipio dependen das subvencións da Deputación de Pontevedra.

🔴 Os populares tamén avanzan que, coa proximidade da Romaría Viquinga, o goberno volverá presumir de non destinar recursos municipais á celebración, unha situación que atribúen á delicada situación económica das arcas locais. Finalmente, o PP reclama “responsabilidade e transparencia” na xestión das contas públicas e esixe explicacións polo incremento da débeda municipal.

#catoira #pp #estefaniafrieiro #economía #débeda #impostos #romaríaviquinga #políticalocal #osalnés #galicia