🔴 𝐃𝐄𝐓𝐄Ñ𝐄𝐍 𝐀 𝐔𝐍 𝐕𝐄𝐂𝐈Ñ𝐎 𝐃𝐄 𝐕𝐈𝐋𝐀𝐆𝐀𝐑𝐂Í𝐀 𝐂𝐎𝐍 𝟐𝟏𝟎 𝐆𝐑𝐀𝐌𝐎𝐒 𝐃𝐄 𝐃𝐑𝐎𝐆𝐀𝐒 𝐄𝐍 𝐔𝐍 𝐂𝐎𝐍𝐓𝐑𝐎𝐋 𝐃𝐀 𝐆𝐀𝐑𝐃𝐀 𝐂𝐈𝐕𝐈𝐋

🔴 A Garda Civil do Posto Principal de Sanxenxo detivo o pasado 7 de xullo a un veciño de Vilagarcía de Arousa, de 26 anos de idade, como presunto autor dun delito contra a saúde pública na modalidade de tráfico de drogas. A intervención produciuse durante un dispositivo de control establecido na estrada PO-308 dentro da campaña especial da Operación Verán.

🔴 Os axentes deron o alto a un vehículo no que o detido viaxaba como acompañante e, ao observar que mostraba unha actitude nerviosa, procederon á súa identificación. Unha vez informado de que se lle ía practicar un rexistro superficial, o mozo entregou voluntariamente as substancias estupefacientes que portaba.

🔴 No operativo foron intervidos 100 gramos de haxix, 100 gramos de marihuana, distribuídos en dous paquetes de 50 gramos cada un, e 10 gramos de cocaína. Segundo destaca a Garda Civil, con esta actuación evitouse que unha importante cantidade de droga puidese chegar ao mercado ilícito.

🔴 Tras a instrución das correspondentes dilixencias, o detido quedou en liberdade en dependencias policiais, aínda que deberá comparecer ante o Xulgado de Primeira Instancia e Instrución número 4 de Cambados cando sexa requirido pola autoridade xudicial.

🔴 A Garda Civil lembra que a colaboración cidadá continúa sendo fundamental para previr e combater o tráfico de drogas, polo que anima á cidadanía a comunicar de forma confidencial calquera información relacionada con este tipo de actividades a través do teléfono 062 ou dos seus canles oficiais.