🔴 𝗔𝗠𝗣𝗟𝗢 𝗢𝗣𝗘𝗥𝗔𝗧𝗜𝗩𝗢 𝗗𝗔 𝗚𝗨𝗔𝗥𝗗𝗔 𝗖𝗜𝗩𝗜𝗟 𝗘 𝗣𝗢𝗟𝗜𝗖Í𝗔 𝗡𝗔𝗖𝗜𝗢𝗡𝗔𝗟 𝗖𝗢𝗡𝗧𝗥𝗔 𝗢 𝗡𝗔𝗥𝗖𝗢𝗧𝗥Á𝗙𝗜𝗖𝗢 𝗘𝗡 𝗕𝗔𝗟𝗧𝗔𝗥

🔴 A Garda Civil e a Policía Nacional desenvolveron onte un operativo conxunto na zona de Baltar, en Portonovo, no municipio de Sanxenxo, no marco dunha investigación relacionada co narcotráfico.

🔴 O dispositivo policial incluíu rexistros en varios inmobles da zona. Nunha das actuacións, os axentes tiveron que forzar a porta de entrada dunha vivenda para acceder ao interior, nunha intervención que xerou expectación entre os veciños e as persoas que se atopaban nesa zona de Portonovo.

🔴 Polo momento, non transcenderon datos oficiais sobre o número de detencións ou persoas investigadas, nin sobre posibles cantidades de droga ou outros efectos incautados. A operación mantense aberta e os detalles da investigación permanecen baixo segredo de sumario.

🔴 A actuación policial prodúcese ademais despois de que hai aproximadamente un mes xa se rexistrase outra intervención na zona de Baltar, tamén no marco dunha investigación relacionada co narcotráfico. As novas actuacións poderían estar vinculadas a unha investigación máis ampla, aínda que este extremo non foi confirmado oficialmente