🔴 O 𝗕𝗡𝗚 𝗗𝗘 𝗦𝗔𝗡𝗫𝗘𝗡𝗫𝗢 𝗗𝗘𝗡𝗨𝗡𝗖𝗜𝗔 𝗔 𝗣𝗥𝗢𝗟𝗜𝗙𝗘𝗥𝗔𝗖𝗜Ó𝗡 𝗗𝗢𝗦 𝗕𝗢𝗧𝗘𝗟𝗟Ó𝗡𝗦 𝗘 𝗔 𝗙𝗔𝗟𝗧𝗔 𝗗𝗘 𝗥𝗘𝗦𝗣𝗢𝗦𝗧𝗔 𝗗𝗢 𝗖𝗢𝗡𝗖𝗘𝗟𝗟𝗢

🔴 O grupo municipal do BNG de Sanxenxo denuncia que a proliferación de botellóns está a afectar á imaxe do municipio durante o verán, con restos de botellas de vidro, comida e cabichas en puntos como Punta Vicaño, a praia de Lavapanos ou os aparcadoiros disuasorios próximos ao Novo Templo. Os nacionalistas aseguran que estas reunións nocturnas están a provocar molestias por ruído á veciñanza e aos visitantes e responsabilizan ao alcalde, Telmo Martín, da falta de medidas para atallar unha problemática que, segundo sinalan, se repite cada verán.

🔴 O BNG afirma que a situación empeorou desde o inicio de agosto e critica a falta de respostas do Goberno local, lembrando que a concelleira Estrella Martínez xa trasladara esta cuestión no Pleno de xullo, preguntando polas medidas previstas para combater os botellóns na praia urbana de Lavapanos. Os nacionalistas aseguran que o problema se estendeu tamén a Punta Vicaño, á contorna da Florida e a diferentes vías públicas de Sanxenxo e Portonovo, onde denuncian a presenza de restos de vidro, envoltorios e sucidade.

🔴 Os nacionalistas tamén cuestionan o dispositivo de seguridade e acusan o Goberno do PP de concentrar os recursos na zona do Porto Deportivo e Silgar, mentres consideran insuficiente a presenza policial noutras zonas do municipio. O BNG reclama máis vixilancia e medidas para evitar tanto os botellóns como os problemas de tráfico e ruído, e advirte de que esta situación proxecta unha imaxe de “deixadez, abandono e suciedade” que, ao seu xuízo, non se corresponde coa realidade turística de Sanxenxo.

#sanxenxo #bng #botellón #turismo #pontevedra