🔴 𝐄𝐍 𝐒𝐀𝐍𝐗𝐄𝐍𝐗𝐎, 𝐂𝐎𝐍𝐒𝐔𝐄𝐋𝐎 𝐆𝐀𝐑𝐂Í𝐀 𝐃𝐄 𝐕𝐈𝐂𝐔Ñ𝐀 𝐑𝐄𝐂𝐈𝐁𝐄 𝐀 𝐕𝐈𝐒𝐈𝐓𝐀 𝐃𝐎 𝐀𝐋𝐂𝐀𝐋𝐃𝐄 𝐄 𝐃𝐀 𝐂𝐎𝐍𝐂𝐄𝐋𝐋𝐄𝐈𝐑𝐀 𝐃𝐄 𝐌𝐀𝐈𝐎𝐑𝐄𝐒 𝐍𝐎 𝐒𝐄𝐔 𝟏𝟎𝟒 𝐂𝐔𝐌𝐏𝐋𝐄𝐀𝐍𝐎𝐒

🔴 Naceu en Navarra, pero dende hai seis anos vive coa súa filla e o seu xenro en Sanxenxo.

🔴 Acompañada da súa familia e feliz, Consuelo García de Vicuña cumpre hoxe 104 anos con apenas achaques médicos e cunha memoria moi boa. ¿A súa receita? Comer un allo en xexún todos os días e rezar. “É moi devota do Corazón de Xesús e reza o rosario todos os días”, conta a súa filla María Jesús. O alcalde, Telmo Martín, e a concelleira de Servizos Sociais e Maiores, Paz Lago, desprazáronse esta mañá ata a súa casa, na Avenida de León, para felicitala e entregarlle un ramo de flores.

Consuelo García de Vicuña naceu en Navarra onde se casou co seu marido, pero pronto emigraron en busca dun futuro mellor a Arxentina cos seus tres fillos e logo, a Venezuela onde tiveron outros dous fillos máis. En Caracas montou o seu propio negocio de costura co que colaboraba cos ingresos familiares. En Venezuela permaneceu até que a situación do país se complicou e un dos seus fillos necesitou asistencia médica. Nese momento, regresaron a España concretamente a Valencia. Dende hai seis anos vive cunha das súas fillas e o seu xenro. Nunha salita, con vistas ao mar, pasa as súas mañás sentada e rezando aos santos que sempre ten preto. “Traballou moi duro e non tivo unha vida fácil, agora lle toca descansar e que lle fagamos a vida o máis feliz que podamos”, asegura a súa filla María Jesús.