🔴 LAGO COMPARA O PP LOCAL COA ULTRADEREITA DE MADRID, E CALIFICA COMO DECEPCIONANTE A RESPOSTA DO PRESIDENTE DA DEPUTACIÓN SOBRE O ASILO.

A resposta recibida onte por parte do presidente da Deputación resultou decepcionante para o goberno local de Cambados. Despois de meses de espera, a proposta de utilizar os fondos destinados a obras para adquirir o Asilo foi considerada unha burla. O PP de Cambados, lonxe de rexeitar esta oferta, secundouna, o que xerou aínda máis descontento.

O goberno local expresou a súa preocupación polo feito de que, para obter a cantidade total necesaria, habería que renunciar a calquera outro tipo de obra ou investimento no concello durante 5 anos. Consideran que esta opción non é viable nin se axusta aos principios dunha boa xestión.

Ademais, critican a falta de iniciativa por parte do PP, comparándoa coa oposición de dereita e ultradereita en Madrid, que se centra en desgastar ao goberno sen ofrecer solucións. A pesar diso, o goberno local seguirá traballando para encontrar unha solución para a continuidade do asilo. Nos próximos días, solicitarán unha reunión coa Conselleira de Política Social para ofrecer a súa colaboración na adquisición do asilo ou a construción dunha nova residencia, como veñen proclamando desde que se coñeceu a intención de venda do Asilo.