Según EU o Concello de Vilagarcía unha vez máis incumpre os compromisos adquiridos coa cidadanía, así o luns 1 de Abril comenzaban as obras de substitución do elevador situados no paso soterrado da Escardia, pero estas obras apenas consistiron en balizar o recinto da obra, xa que dende o 2 de Abril a obra está paralizada.
Esiximos ao goberno celeridade na execución desta obra, que en moitos casos é a única posibilidade de moitos veciños de acceder ao centro de Vilagarcía, dende A Escardia e a Torre sen ter que dar unha volta de máis de un quilómetro. Sen este elevador o paso soterrado incumpre os requisitos de accesibilidade que contempla a lei, polo que a súa reparación non debería demorarse durante semanas como está a suceder.
Neste sentido, unha vez máis, a despreocupación e a falta de control por parte do goberno local da obras que se executa no noso territorio, permite as empresas adxudicatarias planificar as obras ao seu antoxo, priorizando os custes e as súas necesidades as necesidades da veciñanza.
Pedimos explicacións ao goberno do Sr Varela por este novo atraso, e preguntámonos como é posible que non sexan capaces de cumprir ningún prazo nas obras do concello, como aconteceu na biblioteca municipal, nas obras do albergue de peregrinos, na piscina, o mercado de Vilaxoán, e un longo etcétera.
O Alcalde debe explicar como é posible que tódalas empresas que traballan para o concello de Vilagarcía na adxudicación do obras ou servizos, teñan tal permisividade para incumprir os contratos, tanto sexa en cuestión de prazos, como orzamentos ou calidades da obras, chegando incluso ao esperpento da rúa Arzobispo Lago, onde a execución non se axusta ao proxecto presentado no seu día.
