🔴 O PP DA ILLA DE AROUSA DENUNCIA A "DIVISIÓN E INESTABILIDADE" DO GOBERNO BIPARTITO E AUGURA UNHA "GUERRA POLÍTICA CRECENTE" QUE PREXUDICA AOS VECIÑOS

🔴 O Partido Popular da Illa de Arousa, a través do seu voceiro Matías Cañón, criticou duramente o primeiro ano de mandato do goberno bipartito formado polo BNG e o PSOE. Segundo Cañón, este período estivo marcado por unha "forte división e inestabilidade" que derivou en "graves discrepancias públicas", prexudicando aos veciños e os intereses do municipio.

O voceiro popular destacou a suba xeralizada de impostos e a falta de avances en proxectos clave como a ludoteca, o pavillón municipal e o Plan Xeral. Ademais, advertiu sobre o "caos circulatorio inadmisible" e os posibles problemas económicos derivados da construción dunha nova depuradora.

Cañón concluíu que o PP debería estar gobernando, argumentando que serían un goberno "unido e estable" enfocado en atender aos veciños, e criticou ao BNG por ser "autoritario" e ao PSOE pola súa actitude "sumisa e consentidora".