🔴 O PP DE CAMBADOS INSTA AO CONCELLO A REACTIVAR A POLÍTICA URBANÍSTICA A TRAVÉS DE CINCO ÁREAS URBANIZABLES PARA CORRIXIR O COLAPSO NO ACCESO Á VIVENDA

A voceira municipal, Sabela Fole, lamenta que o desenvolvemento das Unidades de Xestión 6, 8 e 10 e das zonas da Pastora-Os Olmos e O Cruceiro leve catro anos e medio sen avances, impedindo a construción de vivendas e a execución de promocións de pisos. Tamén reclama medidas para mellorar o funcionamento de Urbanismo e a axilización das licenzas de obra, debido aos excesivos retrasos que prexudican a veciñanza.

O grupo municipal do PP de Cambados presentou unha proposta, que se debatirá no pleno do próximo luns, para reactivar de inmediato a política urbanística e o desenvolvemento das cinco áreas urbanizables impulsadas en 2020. Sabela Fole sinala que é crucial para solucionar os problemas de acceso á vivenda, que afectan tanto a Cambados como a outros municipios da provincia. 

Estas cinco áreas urbanizables proporcionarían uns 85.000 metros cadrados de solo residencial e permitirían a moitos veciños e empresas emprender proxectos de vivenda. Ademais, traerían importantes beneficios, como a creación de zonas verdes, aparcamentos, equipamentos e novos viais. 

Finalmente, o PP de Cambados solicita melloras na organización do Departamento Municipal de Urbanismo para axilizar a obtención de licenzas de obra, xa que os actuais retrasos están a prexudicar moitos veciños.