🔴 𝐋𝐈𝐒𝐎 𝐆𝐎𝐍𝐙𝐀𝐋𝐄𝐙 𝐀𝐂𝐔𝐒𝐀 𝐀𝐎 𝐏𝐏 𝐃𝐄 𝐄𝐌𝐏𝐑𝐄𝐆𝐀𝐑 𝐔𝐍𝐇𝐀 “𝐏𝐎𝐋Í𝐓𝐈𝐂𝐀 𝐓𝐑𝐔𝐌𝐏𝐈𝐒𝐓𝐀” 𝐍𝐀𝐒 𝐒Ú𝐀𝐒 𝐂𝐑Í𝐓𝐈𝐂𝐀𝐒 𝐀𝐎𝐒 𝐂𝐄𝐍𝐓𝐑𝐎𝐒 𝐄𝐃𝐔𝐂𝐀𝐓𝐈𝐕𝐎𝐒 𝐃𝐄 𝐂𝐀𝐌𝐁𝐀𝐃𝐎𝐒

🔴 O concelleiro de Cambados respondeu con contundencia ás recentes críticas do Partido Popular, acusando á formación de seguir unha estratexia “trumpista” ao distorsionar a realidade dos centros educativos no municipio. Un ano despois de asumir o cargo, o edil defende a súa xestión e asegura que o mantemento e as melloras nos colexios avanzaron de forma considerable, a pesar das dificultades iniciais.

🔴 Liso González sinalou que, ao pouco de asumir as súas responsabilidades, recoñeceu publicamente que non se chegaría a tempo co mantemento dos colexios, pero comprometeuse a realizar as obras pendentes ao longo do ano. “Agora, podemos afirmar que a situación dos centros educativos de Cambados mellorou notablemente, malia os intentos do PP de distorsionar a realidade”, afirmou, referíndose á táctica de manipulación como unha “política trumpista”.

🔴 O edil criticou duramente ao PP, acusándoo de empregar unha estratexia de desinformación similar á de Donald Trump, baseada en mentiras e manipulacións para xerar división entre a veciñanza. Segundo o concelleiro, esta “política lixo, sen ningún tipo de rigor”, está centrada en “empotrar a política e enfrontar á comunidade”, sen atender realmente ás necesidades dos centros educativos.

Tamén lamentou que a Consellería de Educación da Xunta de Galicia ignore as peticións das comunidades educativas, subliñando que o goberno local seguirá traballando para mellorar as instalacións e atender as demandas. Por último, fixo un recoñecemento ao esforzo das comunidades educativas do concello, que continúan loitando por un sistema educativo público e de calidade, malia a falta de apoio da Xunta.