🔴 O BNG DA COMARCA APOIA A ILP DA PLATAFORMA EN DEFENSA DA RÍA DE AROUSA ULLA

Varios cargos orgánicos e institucionais da comarca manifestaron publicamente o seu apoio á Iniciativa Lexislativa Popular (ILP) impulsada pola Plataforma en Defensa da Ría de Arousa. A ILP busca garantir a protección das actividades pesqueiras, marisqueiras e de acuicultura, fundamentais para o desenvolvemento económico e social da ría.

A proposta será debatida mañá no Parlamento Galego, e os promotores insisten na importancia de recoñecer o sector do mar como de interese xeral, protexéndoo fronte a calquera proxecto que poida prexudicar estas actividades produtivas. A ría de Arousa, considerada un dos piares económicos e sociais da zona, require medidas urxentes para salvagardar os seus recursos e garantir o seu futuro.