O presidente da Deputación de Pontevedra, Luis López, destacou a camelia como un dos maiores atractivos turísticos do interior da provincia durante a presentación do programa da 60ª edición do Concurso Exposición Internacional da Camelia. O acto tivo lugar na Estación Fitopatolóxica do Areeiro, centro de referencia na investigación e innovación en cultivos, dependente da Deputación.
“A camelia é un dos nosos grandes tesouros, unha flor que florece en máis de 400 formas diferentes no Areeiro e máis de 1.500 na provincia. Ademais, producimos un té único, o ‘Té Areeiro’, e organizamos un evento singular e de impacto mundial: o Concurso Exposición Internacional da Camelia”, explicou Luis López, acompañado polo deputado responsable da Finca Areeiro, Javier Tourís.
O certame, que se celebra desde 1965, terá lugar os días 22 e 23 de febreiro no Recinto Feiral de Pontevedra. O evento comezará o día 22 ás 18.30 horas coa inauguración e, ás 19.30, terá lugar a entrega de premios, na que se repartirán 5.000 euros entre 26 produtores. O día 23 haberá obradoiros, xogos infantís e unha degustación de té de camelia, seguida dunha demostración culinaria a cargo do chef Miguel Mosteiro. A clausura está prevista para as 20 horas.
Durante a presentación, o presidente provincial resaltou o papel fundamental da Estación Fitopatolóxica do Areeiro e agradeceu o traballo do seu persoal: “Sodes clave para facer unha provincia máis rica e diversa, tanto no cultivo da camelia como no coidado dos nosos viñedos e plantas”.
A campaña de promoción do destino turístico Rías Baixas deste ano pon o foco no interior da provincia, destacando a camelia como
