🔴 O PP DE CAMBADOS PIDE DESENVOLVER SOLO URBANIZABLE PARA MÁIS VIVENDA NO CASCO URBANO

 O PP de Cambados, a través da súa voceira María Isabel Fole, vén de presentar unha moción no Pleno municipal para impulsar o desenvolvemento urbanístico de varias zonas da vila, co obxectivo de aumentar a oferta de vivenda e frear a suba dos prezos de compra e alugueiro.

A escaseza de solo edificable está a provocar que moitos veciños opten por marchar a outros concellos, o que tamén supón unha perda de ingresos para o Concello por impostos como o IBI ou o ICIO.

📍 As áreas que propoñen activar son:

• UX-10 (entre Avenida do Salnés e Rosalía de Castro)
• UX-6 (Avenida da Pastora - rúa Pacheca)
• UX-8 (rúa Os Olmos - camiño da Grenla)
• Apertura de Blanco Amor e Otero Pedrayo cara a Avenida do Salnés
• Solo entre rúa Nova e camiño de San Roque

Desde o PP critican a pasividade do goberno local, lembrando que estas actuacións xa foran anunciadas no ano 2020, sen avances ata o momento.

 “É urxente poñer en marcha estes proxectos para garantir vivenda accesible e planificar o futuro da vila”, sinala Fole.

#Cambados #Vivienda #SoloUrbano #PP #Urbanismo #PlenoMunicipal #PolíticaLocal #Galicia