🔴 INVESTIGADO POR CIRCULAR A 191 KM/H NUN TRAMO LIMITADO A 70 ENTRE CARRACEDO E CALDAS DE REIS

🚔 O Destacamento de Tráfico da Garda Civil de Pontevedra investigou a un condutor de 30 anos, veciño de Caldas de Reis, por un delito contra a seguridade viaria ao ser sorprendido circulando a 191 km/h nun tramo limitado a 70 km/h da estrada N-550, entre as localidades de Carracedo e Caldas, na tarde do pasado 14 de xullo.

📸 O exceso de velocidade foi detectado por un radar móbil durante un control ordinario de tráfico. Tras identificar ao condutor, procedeuse á súa investigación por superar en máis de 80 km/h o límite máximo permitido en vías interurbanas, o que está tipificado como delito no Código Penal.

⚖️ As penas ás que se enfronta inclúen ata seis meses de prisión, multas de ata doce meses ou ata noventa días de traballos en beneficio da comunidade, ademais da privación do dereito a conducir vehículos a motor e ciclomotores durante un período de entre un e catro anos.

🚨 Dende a Garda Civil lémbrase que a velocidade excesiva é un dos principais factores de risco nos accidentes de tráfico, especialmente nos máis graves, polo que este tipo de condutas constitúen un serio problema para a seguridade viaria, tanto para os propios condutores como para o resto de usuarios da vía.